ថ្ងៃទី៥ ខែកញ្ញា ឆ្នាំ ២០១២ ៖
បានទៅចូលទស្សនាលើកទឹកចិត្តគាំទ្រក្រុមបាល់ទាត់ជម្រើសជាតិកម្ពុជាប្រកួតជាមួយក្រុមហ្វីលីពីន ជាលក្ខណៈមិត្តភាពអន្តរជាតិ។ លទ្ធផលចប់ការប្រកួត កម្ពុជា ០ – ០ ហ្វីលីពីន។ ការប្រកួតចាប់ផ្ដើមវេលាម៉ោង៦ល្ងាច នៅពហុកីឡដ្ឋានជាតិ។ ចូលរួមទស្សនាជាមួយមិត្តភ័ក្ដិធ្វើការជាមួយ និង មិត្តភ័ក្ដិស្គាល់គ្នាតាម facebook។
នៅក្នុងsoccerway គេដាក់ថាការប្រកួតចាប់ផ្ដើមនៅម៉ោង ៧ ល្ងាចវិញ។ ការទាត់មិត្តភាពនេះដើម្បីត្រៀមខ្លួន ចូលរួមក្នុងការប្រកួត AFF Suzuki Cup 2012 នៅឯប្រទេសមីយ៉ាន់ម៉ាក្នុងវគ្គជម្រុះ។
អស់រយៈពេលជាង១ឆ្នាំហើយ ទើបក្រុមជម្រើសជាតិកម្ពុជាឈុតធំ ធ្វើការប្រកួតជាលក្ខណៈអន្តរជាតិបែបនេះ បន្ទាប់ពីមួយឆ្នាំមុន ចាញ់ឡាវនៅក្នុងវគ្គជម្រុះ World Cup ឆ្នាំ២០១៤ ក្នុងតំបន់អាស៊ី។ ម៉្យាងទៀតការប្រកួតមិត្តភាពអន្តរជាតិនេះជាលើកទី១ ក្រោមការដឹកនាំដោយលោកគ្រូបង្វឹកថ្មីជាជនជាតិខ្មែរ គឺ លោក ហុក សុចិត្រា ចាប់តាំងពីក្លាយជាគ្រូបង្វឹកជម្រើសជាតិមក។
No comments:
Post a Comment